მოქალაქეებმა საქართველოს პრემიერ-მინისტრ გიორგი კვირიკაშვილს მთავრობის ადმინისტრაციასთან ბოტები მიუტანეს.
მათი განცხადებით, მთავრობა ბიუჯეტიდან აფინანსებს ყალბ ექაუნთებს, რათა შემდგომ მათი მიზნებისთვის გამოიყენოს.
ამ პერფომანსით ისინი "ინტერნეტ ბოტების" გამოყენებას აპროტესტებენ.
ყველაფერი მას შემდეგ დაიწყო, რაც გიორგი კვირიკაშვილმა სოციალურ ქსელში განცხადება გაავრცელა, სადაც თეა წულუკიანი დაიცვა და არასამთავრობო ორგანიზაციები გააკრიტიკა. ამ განცხადებას კვირიკაშვილის Facebook პოსტზე მოქალაქეების მხრიდან Haha რეაქციის გამოყენება მოყვა.
კვირიკაშვილის განცხადებით, NGO-ების მოთხოვნა აბსურდული და გონივრულ საფუძველს მოკლებულია. თავის მხრივ, მესამე სექტორი აღნიშნავს, რომ მართლმსაჯულების სისტემაში დაწყებული ბევრი რეფორმა თეა წულუკიანის გამო ან შეფერხდა, ან საერთოდ ჩავარდა. მათივე თქმით, ახალი პროკურორი ახლანდელმა იუსტიციის მინისტრმა არ უნდა აირჩიოს.
