გზების მოწესრიგების მდგომარეობით, 137 ქვეყანას შორის, მსოფლიო ეკონომიკური ფორუმის ექსპერტების ანალიზით, საქართველომ 82-ე ადგილი დაიკავა. ეს ანალიზი გამოქვეყნდა ორგანიზაციის ოფიციალურ ვებ გვერდზე.
რეიტინგის ანტილიდერები აღმოჩნდნენ მავრიტანია, კონგო და ჰაიტი. ხოლო ლიდერთა სამეულში შედიან: შვეიცარიის, არაბთა გაერთიანებული საემიროების და სინგაპურის საავტომობილო გზები.
ექსპერტები საგზაო ინფრასტრუქტურას 7 ბალიანი სისტემით აფასებდნენ.
ყოფილი საბჭოთა კავშირის ქვეყნებიდან ადგილები შემდეგნაირად გადანაწილდა: აზერბაიჯანი - 36 ადგილზე, ლიეტუვა - 37, ესტონეთი - 38, ტაჯიკეთი - 70, საქართველო 82, სომხეთი - 85, ლატვია - 107, რუსეთი - 114, ყაზახეთი - 115, ყირგიზეთი - 122, მოლდოვა 128, ხოლო უკრაინას 130-ე ადგილი ერგო.
