მე ამ ქვეყანში ვცხოვრობ, ამ კანონებით ვცხოვრობ, რევოლუცია არ მინდა, მე მინდა ჩემი შვილის მკვლელი ბოლომდე დაისაჯოს. სამართლით მეც არ ვარ კმაყოფილი, მაგრამ დღეს გამოსავალი არის ეს,– ასე მიმართა ხორავას ქუჩაზე მოკლული ლევან დადუნაშვილის მამამ ზაზა სარალიძეს. ის აქციაზე მეუღლესთან ერთად მივიდა.
„მე ლევანის მამა ვარ. ყველას დიდ მადლობას გეტყვით თანადგომისთვის... ამ საღამოს ვუსმენდი ტელევიზიით აქ რაც ხდებოდა, მაგრამ აღმაშფოთა ერთმა ფაქტმა. მე არასდროს გამოვჩენილვარ არც კამერებთან და არც მიტინგზე. აღმაშფოთა ორი სამი საათის უკან აქ გამოვიდა ტიპი, რომელმაც ჩემი შვილის ნათლიად გაასაღა თავი. ეს არ შეიძლება. ეს არ უნდა ხდებოდეს, თუ თანადგომა თანადგომა იყოს, ავანტურებს და ავანტურისტებს აქ ადგილი არ უნდა ჰქონდეს.
ჩემი სათქმელი ესაა, მე ზაზას თანადგომას ვუცხადებ ზაზას გვერდში ვარ. ჩემი და ზაზას ტრაგედია ერთია, საქართველოს ტკვილია. მაგრამ დავიღალეთ. მე მინდა, ყველას მოგმართოთ, ასე მიდის ის გამოძიება, რომელიც კითხვებს გვიჩენს და არ მთავრდება, არ მთავრდება ბევრი გარემოებების გამო. კერძოდ, აქ ყველა მშობელია, იმის გამო, რომ ვიღაც-ვიღაცეები ტელევიზიით, სახლში შეკეტილები გვისმენენ ჩვენ ემოციებს და ყველას.
ჩემო ზაზა, ჩვენი ტკვილი საქართველოს ტკივილია და ამით ამაყი მამები ვართ, მაგრამ გამოძიება რომ დამთავრდეს ის ხალხი ვინც თქვენ შვილებს ხელს აფარებს გამოვიდეს ყველა და მივმართოთ ყველას, რომ თავისი შვილები, ისინი მშობლები მაშინ იქნებიან, როდესაც ვიძულებთ იმ გათითოკაცებულ ხალხს, რომლებიც სახლში სხედან და არ გამოყავთ თავისი შვილები, რომ ჩვენება მისცენ და სწორი გამოძიება წარიმართოს, მე შენ გვერდში ვარ, მთავრობა ჩვენ გვერდშია დავდგეთ ერთად და გამოვიძიოთ. მივცეთ შანსი სადაც გინდა, პრეზიდენტი გაწყობს - პრეზიდენთან შევიდეთ, პარლამენტის თავმჯდომარე, იქ შევიდეთ. პრემიერი იქ შევიდეთ, მე ამ ქვეყანში ვცხოვრობ, ამ კანონებით ვცხოვრობ, რევოლუცია არ მინდა, მე მინდა ჩემი შვილის მკვლელი ბოლომდე დაისაჯო სამართლით მეც არ ვარ კმაყოფილი, მაგრამ დღეს გამოსავალი არის ეს. ბოლომდე არის ინსტანციები სადაც არის გასარკვევი, სადაც უნდა საღი აზრის დაჯდომა და ყველაფერი ისე გაიშიფროს, როგორც შენ და ჩემ გულს უნდა“, – განაცხადა მან.
