„დღეს არამარტო სისტემა, არამედ ხელისუფლება დაგვეტაკა ჩვენ,“ - ეს განცხადება, ზაზა სარალიძემ გააკეთა.
„პრემიერი მოვიდა არა იმიტომ, რომ თანაეგრძნო ჩემთვის, არა იმიტომ, რომ აუცილებლად დღესვე დაკავებული იქნებოდნენ ჩემი შვილის მკვლელები და მისი მფარველები, არამედ კიდევ უნდოდა, რომ მოვეტყუებინე, 6 თვე მატყუებენ,“ - განაცხადა სარალიძემ.
რუსთაველის გამზირზე მიმდინარე აქციაზე პრემიერ-მინისტრი გიორგი კვირიკაშილი მივიდა. აქციის მონაწილეებმა მას სიტყვით გამოსვლის საშუალება არ მისცეს. ისინი სკანდირებდნენ „წადი, წადი“. კვირიკაშილმა აქციაზე რამდენიმე წინადადების თქმა შეძლო: „"პირველ რიგში მინდა განვაცხადო, რომ ჩემთვის, როგორც ერთი რიგითი მოქალაქისთვის ჩალის ფასია თანამდებობა და კაბინეტი. ჩემთვის ძალიან მნიშვნელოვანი ამ პროცესმა სამართლებრივი განვითარება ჰპოვოს"..., რის შემდეგაც აქციის მონაწილეების შეძახილების ფონზე „წადი, წადი!“ სიტყვის გაგრძელება ვერ შეძლო. პრემიერ-მინისტრი აქციიდან დაცვამ გაიყვანა.
