ქვეყნიდან რუსი დიპლომატის გაძევების შესახებ საერთაშორისო პოლიტიკური გადაწყვეტილების ნაწილია, - ამის შესახებ იურიდიული კომიტეტის თავმჯდომარე ეკა ბესელიამ განაცხადა.
მისი თქმით, დიპლომატების გაძევება ძალიან მნიშვნელოვანი პოლიტიკური პროცესია, რომელიც დიდი ბრიტანეთის მიერ არის დაწყებული, თუმცა ეს არ არის პირველი შემთხვევა, როდესაც რუსეთის მისამართით სანქციებს იყენებენ.
მისივე თქმით, სხვადასხვა დროს, სხვადასხვა ფორმით, სხვადასხვა ევროპული და საერთაშორისო ორგანიზაცია ასეთ სანქციებს მიმართავს, მაგრამ ასეთი სახის პერსონალური გადაწყვეტილებები, რაც საერთო პოლიტიკური გადაწყვეტილებების ნაწილია, არის უდავოდ ძალიან მნიშვნელოვანი.
ბესელიამ აქვე აღნიშნა, რომ მსგავს პოლიტიკურ გადაწყვეტილებებს ყოველთვის მოჰყვება შესაბამისი შედეგი.
„საქართველოს მხრიდან ამ გადაწყვეტილების მიღება არის ჩვენი პარტნიორი ქვეყნების მიერ გამოყენებული სანქციებისა და გადაწყვეტილებების პოლიტიკურ სივრცეში ჩართვა და ვფიქრობ, რომ ეს არის მნიშვნელოვანი. ალბათ, ასეთი ტიპის გადაწყვეტილებებს ყოველთვის მოჰყვება შესაბამისი შედეგი და როგორც წესი არ რჩება ხოლმე შედეგის გარეშე“, – განაცხადა ბესელიამ.
ცნობისთვის, საქართველო შვეიცარიის საელჩოს რუსეთის ინტერესების სექციის თანამშრომელს ქვეყნიდან აძევებს.