ეს არის სწორი ნაბიჯი, თუმცა დაგვიანებული, - ასე ეხმაურება "ნაციონალური მოძრაობის" წევრი თინათინ ბოკუჩავა საქართველოს საგარეო საქმეთა სამინისტროს გადაწყვეტილებას, რომლის მიხედვითაც, ქვეყანა შვეიცარიის საელჩოს რუსეთის ინტერესების სექციის თანამშრომელს აძევებს.
ბოკუჩავას თქმით, ეს არის სწორი ქმედება, მაგრამ ის მოჰყვება საქართველოს საგარეო საქმეთა მინისტრის განცხადებას, რომელმაც რუსული ნარატივი გაიზიარა, როდესაც შეაფასა მოვლენები, რომელიც განვითარდა ბრიტანეთში.
„ეს არის სიმბოლური პოლიტიკური აქტი. ეს არის სწორი ქმედება, მაგრამ ის მოჰყვება საქართველოს საგარეო საქმეთა მინისტრის განცხადებას, რომელმაც რუსული ნარატივი გაიზიარა, როდესაც შეაფასა მოვლენები, რომელიც განვითარდა ბრიტანეთში. ეს არის სწორი ნაბიჯი, თუმცა დაგვიანებული. ეს არის იმ საზოგადოებრივი წნეხის შედეგი, რაც ჩვენ ვიხილეთ და ამას უნდა მოჰყვეს სხვა ნაბიჯები, როგორიც არის რუსეთის წინააღმდეგ სანქციები", - განაცხადა ბოკუჩავამ.
ცნობისთვის, საქართველო შვეიცარიის საელჩოს რუსეთის ინტერესების სექციის თანამშრომელს ქვეყნიდან აძევებს.