თბილისის სააპელაციო სასამართლოში დეკანოზ გიორგი მამალაძის საქმის განხილვა გრძელდება.
როგორც „ჯი-ეიჩ-ენს“ დეკანოზის ერთ-ერთმა ადვოკატმა, მია ზოიძემ განუცხადა, სასამართლომ დაცვის მხარის არცერთი შუამდგომლობა არ დააკმაყოფილა.
„ჩვენი ორი შუამდგომლობიდან, ერთი ეხებოდა პროფესორ ნონა თოდუას დაკითხვას. მან მოამზადა „სასამართლოს მეგობარი“, ამასთან დაკავშირებით, დაცვის მხარე შუამდგომლობდა მას სასამართლოზე. პროცესზე განმარტებები გაიცა, თუმცა სასამართლომ ეს შუამდგომლობა არ დააკმაყოფილა.
ჩვენი მეორე შუამდგომლობა ეხებოდა საქმეზე სახალხო დამცველის მონიტორინგის ანგარიშის მტკიცებულების სახით დართვას. მოსამართლემ არც აღნიშნული შუამდგომლობა დააკმაყოფილა და განაცხადა, რომ ვინაიდან, ეს მონიტორინგი საჯაროა და სახალხო დამცველის ოფიციალურ საიტზე დევს, ჩვენ, ანუ დაცვის მხარეს, შეგვეძლება მისი, როგორც შესავალ სიტყვაში, ასევე დსაკვნით სიტყვაში გამოყენება“, - განაცხადა მია ზოიძემ.
ამ წუთებში, სააპელაციო სასამართლოში ბრალდების მხარე შესავალ სიტყვას წარმოთქვამს.