"აქ სერიოზული დისკუსიის საშუალება არ იქნება", - ამის შესახებ "ევროპული საქართველოს" წევრმა, გიგა ბოკერიამ მინისტრობის კანდიდატების მოსმენის საკითხზე კომენტირებისას განაცხადა.
ბოკერიას შეფასებით, კანდიდატები არ გრძნობენ ანგარიშვალდებულებას პარლამენტის წინაშე.
"მთავარი პრობლემა არის ის, რომ ეს ფორმატიც და ეს განხილვაც აგრძელებს იმ ტრადიციას, რაც ოცნებამ შექმნა და ეს არის ის, რომ ეს ყველაფერი არის ფორმალობა. აქ სერიოზული დისკუსიის საშუალება არ იქნება, რადგან ესენი არიან მინისტრები, რომლებიც კანონის დარღვევით არ ცხადდებოდნენ ჩვენი მოთხოვნით პარლამენტში. ესენი არ გრძნობენ ანგარიშვალდებულებას პარლამენტის წინაშე და აქაც 9 9% არის თავის ქება, ნათელი აწმყოს დახატვა, თითქოს ყველაფერი კარგად არის. შემდეგ იქნება რამდენიმე კითხვის დასმის საშუალება, პასუხების დრო კი შეიძლება აღარც დაგვრჩეს. ეს არის გამოწვევა, რადგან პარლამენტი „ოცნებამ“ აქცია უბრალო სტატისტად. რაც შეეხება შინაარსს, ეს არის გუნდი, რომელსაც არ აქვს ხედვა, არც სტრატეგია, არც რწმენა საკუთარი თავის, უბრალოდ სანამ გასდით, იქამდე არიან აქ და იციან, რომ აქვთ უმრავლესობის მხარდაჭერა", - განაცხადა გიგა ბოკერიამ.
უმრავლესობასა და საპარლამენტო ოპოზიციასთან შესახვედრად პრემიერ-მინისტრი პარლამენტში დღის მეორე ნახევარში მივა, მანამდე კი, კაბინეტის წევრები დეპუტატების კითხვებს, დილიდან კომიტეტის ფორმატში პასუხობენ.
