თბილისში, რუსთაველის გამზირზე დაჭრილი მოზარდის ჯანმრთელობის მდგომარეობა გაუმჯობესებულია. ამის შესახებ „ჯი-ეიჩ-ენს“ „ინგოროყვას“ კლინიკის დირექტორმა, კონსტანტინე მუმლაძემ განუცხადა.
„ხელოვნური სუნთქვის აპარატიდან მოხსნილია, ცნობიერება ნათელია და ამ წუთას დინამიკა მკვეთრად დადებითია“, - აცხადებს მუმლაძე.
შეგახსენებთ, რომ 15 წლის მოზარდი გუშინ დაჭრეს. ის გულ-მკერდის არეში მიყენებული მრავლობითი ჭრილობებით ინგოროყვას კლინიკაში გადაიყვანეს, სადაც მას ოპერაციული მკურნალობა ჩაუტარდა.