თბილისში, რუსთაველის გამზირზე დაჭრილი მოზარდი რეანიმაციაშია გადაყვანილია.
ინგოროყვას კლინიკის დირექტორის, კონსტანტინე მუმლაძის განცხადებით, მოზარდის მდგომარეობა ამ დრომდე სტაბილურად მძიმე რჩება.
„პაციენტის მდგომარეობა რჩება სტაბილურად მძიმე, ჩაუტარდა ოპერაციული მკურნალობა. ამჟამად, სისხლდენა შეჩერებულია. პაციენტი ბავშვთა რეანიმაციაში შემდგომი მკურნალობისთვის არის გადაყვანილი, არის მართვით სუნთქვაზე. მას სიცოცხლისთვის საშიში 4 ჭრილობა ჰქონდა – შემავალი ჭრილობა გულ-მკერდში, რის ფონზეც იყო რამდენიმე დაზიანება და სისხლდენა გულმკერდის ღრუში, გული არ იყო დაზიანებული საბედნიეროდ“, – განაცხადა ექიმმა.
ცნობისთვის, თბილისში, რუსთაველის გამზირზე მოზარდი დაჭრეს. მას ჭრილობები ცივი იარაღით გულ-მკერდის არეში აქვს მიყენებული, ის ინგოროყვას კლინიკაშია გადაყვანილი.
