ბავშვი არის ძალიან მოწესრიგებული, ზრდილობიანი, - ამის შესახებ ჟურნალისტებს კერძო სკოლა „ოქროს აკვანის“ დირექტორმა, მაია მიქაძემ განუცხადა.
იმ სკოლის დირექტორმა, რომელშიც დაჭრილი მოსწავლე სწავლობს, აღნიშნა, რომ გამორციხულია სკოლაში რაიმე კონფლიქტი გამორჩენოდათ.
"ეს ბავშვი სექტემბერში გადმოვიდა ჩვენთან. ბავშვი არის ძალიან მოწესრიგებული, ზრდილობიანი. ჩემთვის ეს ყველაფერი არის მოწმენდილ ცაზე მეხის გავარდნა. დღეს 6-ვე გაკვეთილს დაესწრო, მე-6 გაკვეთილზე შემაჯამებელიც დაწერა ქიმიაში. წარმოუდგენელია ჩემთვის, ვის შეიძლებოდა გაემეტებინა. 15 წუთის წინ დამირეკეს, რომ სოციალურ ქსელში გავრცელდა ეს ინფორმაცია და სასწრაფოდ მოვედი აქ. ჯერ მშობელიც არ არის მოსული. პატარა სკოლა ვართ, ერთი ოჯახივით, გამორიცხულია რაიმე კონფლიქტი გამოგვრჩეს", - განაცხადა მაია მიქაძემ.
ცნობისთვის, თბილისში, რუსთაველის გამზირზე მოზარდი დაჭრეს. მას ჭრილობები ცივი იარაღით გულ-მკერდის არეში აქვს მიყენებული, ის ინგოროყვას კლინიკაშია გადაყვანილი.