მიხეილ სააკაშვილმა სასამართლო დარბაზში, მხარდამჭერებთან ერთად, უკრაინის ჰიმნი იმღერა და განაცხადა, რომ თავს ოლიგარქიული რეჟიმის ტყვედ მიიჩნევს.
"მე თავს ვთვლი პუტინის და უკრაინელი ოლიგარქის ტყვედ. მე არ ვთვლი, რომ ვარ დაკავებული, მე ვარ დატყვევებული. ისინი აწარმოებენ ომს უკრაინელი ხალხის წინააღმდეგ. მოგიწოდებთ, ნუ შეგეშინდებათ. ხალხმა, რომელმაც გამათავისუფლა, აჩვენა რომ არიან გმირები”, - განაცხადა სააკაშვილმა
შეგახსენებთ, რომ მოსამართლე ლარისა ცოკოლმა სასამართლო პროცესზე შესვენება გამოაცხადა, რათა სააკაშვილს პრესისთვის კომენტარი გაეკეთებინა.
უკრაინის პროკურატურა მიხეილ სააკაშვილისთვის შინაპატიმრობას ითხოვს. ამასთან, პროკურატურამ იმ ბინის მისამართი დაასახელა, სადაც მიხეილ სააკაშვილმა სადღეღამისო შინაპატიმრობის 2-თვიანი პერიოდი უნდა გაატაროს.
