"არჩევნების მეორე ტური აუცილებლად უნდა გაიმართოს", - ამის შესახებ ადვოკატთა ასოციაციის თავმჯდომარემ, ზაზა ხატიაშვილმა განაცხადა.
ხატიაშვილის განმარტებით, ხმების დათვლა მიმდინარეობს და როცა საარჩევნო კომისია გამოაქვეყნებს არჩევნების შედეგებს, აღმასრულებელი საბჭო მიიღებს გადაწყვეტილებას, უნდა ჩატარდეს თუ არა არჩევნების მეორე ტური.
"ამ საკითხზე კანონი ბუნდოვანია და შესაბამისად, მეორე ტური ადვოკატთა ერთიანობისა და კოლეგიალობისთვის უნდა გაიმართოს. იმ შემთხვევაში, თუ ამის საჭიროება იქნება, ორი კვირის განმავლობაში მეორე ტური გაიმართება. კერძოდ, 23 დეკემბრის ჩათვლით ადვოკატთა ასოციაცია ვალდებული იქნება საჭიროების შემთხვევაში მეორე ტური ჩაატაროს. ჯერჯერობით ხმის დათვლა ძალიან ცუდია. ხმების დათვლა მიმდინარეობს და როცა საარჩევნო კომისია გამოაქვეყნებს არჩევნების შედეგებს, აღმასრულებელი საბჭო მიიღებს გადაწყვეტილებას, უნდა ჩატარდეს თუ არა არჩევნების მეორე ტური. მე მგონია, რომ ადვოკატთა კორპუსის ერთიანობიდან და კოლეგიალობიდან გამომდინარე, არჩევნების მეორე ტური აუცილებლად უნდა გაიმართოს", - განაცხდა ზაზა ხატიაშვილმა.
ადვოკატთა ასოციაციის თავმჯდომარეობის კანდიდატები - ლევან ჯანაშია და დავით ლანჩავა არჩევნების შედეგების გაბათილებას ითხოვენ და ამბობენ, რომ ბიულეტენები გაყალბდა.
ადვოკატთა ასოციაციაციის მტკიცებით კი საარჩევნო კრება მიმდინარეობდა წესების სრული დაცვით და საარჩევნო პროცესის დროს დარბაზში ელექტროენერგია არ გათიშულა.
ცნობისთვის, არჩევნებში ყველაზე მეტი- 1128 ხმა დავით ასათიანმა მოაგროვა, ლევან ჯანაშიამ 632, დავით ლანჩავამ კი 160 ხმა მიიღო.