იერუსალიმის სტატუსის შესახებ გადაწყვეტილება საბოლოოდ ებრაელებისა და პალესტინელების მისაღებია და არა შეერთებული შტატების. ამის შესახებ გაეროში აშშ-ს წარმომადგენელმა ნიკი ჰეილიმ განაცხადა.
„რაც შეეხება პრეზიდენტ ტრამპს, მან სწორი და მამაცური გადაწყვეტილება მიიღო, რადგანაც ეს რეალობაა- იერუსალიმი ისრაელის დედაქალაქია. თუმცა, საბოლოო სტატუსი უნდა განსაზღვრონ ებრაელებმა და პალესტინელებმა. ეს მათი გადასაწყვეტია და არა ამერიკელების,“-აღნიშნა ჰეილიმ.
თეთრი სახლის ლიდერმა იერუსალიმი ისრაელის დედაქალაქად გასულ კვირას აღიარა, რასაც იორდანეს დასავლეთ სანაპიროზე მასობრივი არეულობები მოჰყვა.
