გაეროს უშიშროების საბჭომ საგანგებო სხდომა გამართა, რომელზეც აშშ-ის მიერ იერუსალიმის ისრაელის დედაქალაქად გამოცხადებას მხარი არ დაუჭირეს.
გაეროში ეგვიპტის წარმომადგენელმა ამ გადაწყვეტილებას „საშიში პრეცედენტი“ უწოდა. გერმანიის, დიდი ბრიტანეთის, შვედეთის და იტალიის წარმომადგენლებმა ერთობლივი განცხადება გააკეთეს, რომლითაც ტრამპის გადაწყვეტილება გააკრიტიკეს. „იერუსალიმის ისრაელის დედაქალაქად გამოცხადება გაეროს რეზოლუციებს არ შეესაბამება და რეგიონში მშვიდობის დამყარებას ხელს არ შეუწყობს,“- განაცხადეს ევროპული ქვეყნების წარმომადგენლებმა.
ტრამპის გადაწყვეტილებას უშიშროების საბჭოს 14 წევრიდან არცერთი არ დაეთანხმა. თუმცა იმის გათვალისწინებით, რომ აშშ-ს ვეტოს უფლება აქვს. გაეროს სხდომაზე რეზოლუცია ან ერთობლივი განცხადება არ მიუღიათ.
გაეროში აშშ-ის ელჩის ნიკი ჰეილიე განცხადებით კი, თეთრმა სახლმა იერუსალიმი ისრაელის დედაქალაქად მშვიდობის დამყარების მიზნით აღიარა. „მე მესმის თქვენი შეშფოთება. ცვლილებების განხორციელები მძიმე პროცესია, მაგრამ ჩვენ არ უნდა დაგვავიწყდეს, რისი მიღწევა შეუძლია სიმართლეს,“- განაცხადა ჰეილიმ.
