დონალდ ტრამპის მიერ იერუსალიმის ისრაელის დედაქალაქად გამოცხადებას პალესტინაში მწვავე რეაქცია მოჰყვა. იორდანეს დასავლეთ სანაპიროზე ვითარება უკიდურესად დაიძაბა. ისრაელის მედიის ცნობით, ადგილობრივი დროით 18 საათზე ღაზას სექტორიდან ისრაელის მიმართულებით სამი რაკეტა გაუშვეს. შედეგად არავინ დაშავებულა. მომხდარზე პასუხისმგებლობა დაჯგუფება „ნასერა სალაჰ ად- დინის წევრებმა“ აიღეს.
