პალესტინელთა მუქარისა და მუსლიმანური სამყაროს პროტესტის ფონზე ისრაელმა უსაფრთხოების განსაკუთრებული ზომები მიიღო და შეიარაღებული ძალები საბრძოლო მზადყოფნაში მოიყვანა. თავდაცვის სამინისტროს გადაწყვეტილებით, იორდანეს დასავლეთ სანაპიროზე დამატებით რამდენიმე ბატალიონი გაიგზავნა. ებრაელი ჯარისკაცების გამოჩენას ადგილობრივთა უკმაყოფილება მოჰყვა. პალესტინელებმა სამხედროებს ქვები და მოლოტოვის კოქტეილები დაუშინეს, სპეცრაზმელებმა კი მათ წინააღმდეგ ცრემლსადენი გაზი გამოიყენეს. შეტაკებები იორდანეს დასავლეთ სანაპიროზე ამ დრომდე გრძელდება. შეწყვეტილია სასწავლო პროცესი, დახურულია სავაჭრო დაწესებულებებიც.
