კიევში განვითარებულ მოვლენებს ვაშინგტონიც ეხმაურება. საგანგებო განცხადება სახელმწიფო დეპარტამენტის წარმომადგენელმა ჰეზერ ნაუერტმა გააკეთა.
„ჩვენ ყურადღებით ვადევნებთ თვალს კიევში მიმდინარე პროცესებს და უკრაინის მთავრობასთან მჭიდრო კონტაქტზე ვიმყოფებით. უკრაინის ხელისუფლებასთან კარგი ურთიერთობა გვაქვს,თუმცა ეს იმას არ ნიშნავს, რომ მათ ყველაფერში ვეთანხმებით. ჩვენ მოვუწოდებთ უკრაინის მთავრობას ვითარების დეესკალაციის, ძალის გამოყენებისგან თავის შეკავების, კანონის უზენაესობის უზრუნველყოფისა და საერთაშორისო ვალდებულებების შესრულებისკენ. თუ ისინი ვინმეს აკავებენ, ეს უნდა მოხდეს როგორც ამ ქვეყნის კანონებისა და ამ ნორმების, ისე ადამიანის უფლებათა საერთაშორისო ნორმების დაცვით,“-განაცხადა ნოიერტმა.
