უკრაინა ლიტვისგან 2 მილიონი ევროს ღირებულების საბრძოლო მასალებს მიიღებს. ინფორმაციას ლიტვის საგარეო საქმეთა სამინისტრო ავრცელებს. უწყებაში აღნიშნავენ, რომ აღმოსავლეთ უკრაინაში შეიარაღებული კონფლიქტის დაწყების შემდეგ 2015 -2016 წლებში კიევმა ვილნიუსისგან 150 ტონა სამხედრო იარაღი მიიღო, ამჯერად კი უკრაინის არმია ლიტვისგან 100 ტყვიამფრქვევს, ტანკსაწინააღმდეგო იარაღს, 7 ათას ავტომატურ იარაღს და 2 მილიონ ტყვიას მიიღებს. საგარეო საქმეთა სამინისტროს განცხადებაში აღნიშნულია, რომ იარაღის მიწოდების მოთხოვნით ლიტვას უკრაინის მთავრობამ მიმართა.
