ამერიკულმა კომპანია Mattel-მა ჰიჯაბიანი ბარბი შექმნა.
მათი ინსპირაციის წყარო იყო მოფარიკავე იბტიჰაჯ მუჰამედი, პირველი ამერიკელი ქალი, რომელიც ოლიმპიადაზე ჰიჯაბით ასპარეზობდა.
„ეს თოჯინა ბავშვობის ახდენილი ოცნებაა“, - ასე აფასებს თავად სპორტსმენი ჰიჯაბიან ბარბის თოჯინას, რომელსაც სწორედ მისი სახე აქვს.
იბტიჰაჯ მუჰამედმა 2016 წელს ბრაზილიაში, ზაფხულის ოლიმპიურ თამაშებზე, ფარიკაობაში ბრინჯაოს მედალი მოიპოვა.
„მივმართავ ყველას, ვისაც არ სჯეროდა ჩემი - ეს ბარბის თოჯინა თქვენთვისაა“, - განაცხადა სპორტსმენმა თოჯინის ოფიციალურ პრეზენტაციაზე.
კომპანია Mattel რამდენჯერე გააკრიტიკეს ზედმეტად გამხდარი და სექსუალური თოჯინების შექმნისთვის.
ახლა კი აპირებენ, ბარბის თოჯინების მოდელებად აირჩიონ ისეთი ქალები, რომლებიც ბავშვებს ინტელექტუალური და კარიერული წარმატებისაკენ უბიძგებენ.
