ზიმბაბველი სამხედროები აცხადებენ, რომ პრეზიდენტი რობერტ მუგაბე დააკავეს. მათივე თქმით, პრეზიდენტსა და მისი ოჯახის წევრებს საფრთხე არ ემუქრებათ. როგორც ამბოხებულები აცხადებენ, მათ სახელმწიფო გადატრიალება არ მოუწყვიათ, ხელისუფლების შეცვლა კი მიზნად ერის გაჯანსაღებას ისახავს. ზიმბაბვეს დედაქალაქში სამხედრო ტექნიკა გამთენიისას გამოჩნდა. სამხედროებმა სახელმწიფო ტელევიზია და ადმინისტრაციული შენობები დაიკავეს. ამ დრომდე ტყვეობაში რჩება ქვეყნის ფინანსთა მინისტრიც.
