კონსტიტუციური უსაფრთხოების დეპარტამენტის თანამშრომლებმა კორუფციის ბრალდებით გარემოს დაცვის სამინისტროს გარემოს დაცვის ინსპექციის უფროსი ნიკოლოზ ჩიმაკაძე და ამავე ინსპექციის სწრაფი რეაგირების სამსახურის უფროსის მოადგილე დააკავეს.
როგორც კუდ-ის ხელმძღვანელის მოადგილემ სოსო ალავიძემ საგანგებოდ გამართულ პრესკონფერენციაზე განაცხადა, დაკავებულები უკანონოდ მოპოვებულ ხე-ტყესთან დაკავშირებით შესაბამის სამართლებრივ რეაგირებას არ ახდენდნენ და მეწარმეებს ქრთამის სახით სისტემატურად სძალავდნენ თანხას.
დანაშაული თავისუფლების 11 წლამდე აღკვეთას ითვალისწინებს.
საქმეს კონსტიტუციური უსაფრთხოების დეპარტამენტი იძიებს.
