არანაირი საფუძველი იმისა, რომ მთავრობა გადადგეს, არ არსებობს. ამის შესახებ რუმინეთის მმართველი სოციალ-დემოკრატიული პარტიის ლიდერმა ლივიუ დრაგნიამ განაცხადა. მისივე თქმით, მინისტრთა კაბინეტმა ხალხის მოთხოვნა უკვე დააკმაყოფილა და სისხლის სამართლის კოდექსში შეტანილი ცვლილებები გააუქმა. მასშტაბური საპროტესტო აქციები ბუქარესტში უკვე ერთი კვირაა, გრძელდება. ამის მიზეზი მთავრობის ახალი გადაწყვეტილება გახდა, რომლის მიხედვითაც, კორუფციაში ბრალდებული პირები პატიმრობიდან უნდა გაეთავისუფლებინათ. მასობრივი აქციების ფონზე მთავრობამ საკუთარი გადაწყვეტილება გააუქმა, თუმცა დედაქალაქის ცენტრალურ მოედანზე შეკრებილი ათობით ათასი ადამიანი დაშლას არ აპირებს და ახლა უკვე მთავრობის გადადგომას ითხოვს.
