საზოგადოებრივი მაუწყებლის გადაცემა „არგუმენტების დროს“ წამყვანი ზვიად ავალიანი გენერალური დირექტორის და დირექტორთა საბჭოს მიერ წარმოდგენილ გეგმას გამოეხმაურა და გენერალურ დირექტორს ალტერნატიული იდეა შესთავაზა.
„ის, რომ მაუწყებელში არის ბევრი პრობლემა და ეს პრობლემები საჭიროებენ გადაწვეტას ფაქტია. მაგრამ წარსულში მომხდარი ფინანსური გადახარჯვების და გადაცდომების გამო არ უნდა ისჯებოდნენ მაუწყებლის რიგითი თანამშრომლები. უფრო სამართლიანია ვიფიქროთ სახსრების ალტერნატიულ წყაროებზე. არქივი არ არის მხოლოდ საზოგადოებრივი მაუწყებლის საკუთრება. ეს არის მთელი საზოგადოების, ეროვნული საგანძური. არქივის გადარჩენა მაუწყებლის მიმდინარე ბიუჯეტით შესაძლოა არც არის რაციონალური. შესაძლოა ცალკე პროექტი უნდა გაკეთდეს ამისთვის და მთელმა საქართველომ მიიღოს ამაში მონაწილეობა“, - აცხადებს ავალიანი.
აღნიშნული განცხადება „არგუმენტების დროს“ წამყვანმა ზვიად ავალიანმა მაუწყებელში გამართულ საგანგებო პრეს-კოფერენციაზე გააკეთა, სადაც მაუწყებლის გენერალურმა დირექტორმა და დირექტორთა საბჭომ საზოგადოებრივი მაუწყებლის რეფორმის გეგმა წარმოადგინეს, სადაც საუბარია მაუწყებლში გადაცემების შეჩერებაზე და სახრების ოპტიმიზაციაზე.
საზოგადოებრივი მაუწყებლის გენერალური დირექტორის ვასილ მაღლაფერიძის განცხადებით, საზოგადოებრივ მაუწყებელზე გადაცემები 2018 წლამდე, დროებით ჩერდება. მაღლაფერიძის თქმით, მის მიერ დღეს წარდგენილი 3-წლიანი გეგმა სამეურვეო საბჭომ, ე.წ. ბორდმა უნდა დაამტკიცოს.
