ვიქტორ დოლიძის განცხადებას, სადაც მან აღნიშნა, რომ საქართველო ნატო-ს სამიტში, მისი ფორმატიდან გამომდინარე, მონაწილეობას არ მიიღებს, თინა ხიდაშელი კურიერის პირდაპირ ეთერში გამოეხმაურა.
“ასეთი ღონისძიებების გამოტოვება არის იმ პოლიტიკის შედეგი, რომელსაც ჩვენ ყოველდღიურად ვაკვირდებით და ვხედავთ, რომ ნაკლები აქტიურობა, უფრო ზუსტად, რომ საგარეო ფრონტზე პასიურობა, ერთადერთი ამოცანა, რომ ვინმე არ გაგვიბრაზდეს, ეს არის არასწორი პოლიტიკა,“- განაცხადა თინა ხიდაშელმა.
თინა ხიდაშელის თქმით, საქართველო ყველა მინისტერიალზე უნდა იმყოფებოდეს და ყველა ღონისძიებას უნდა ესწრებოდეს.
„მე, როდესაც თავდაცვის მინისტრი ვიყავი, ჩემს საქმეს ვაკეთებდი, რომელიც ამ ხაზის მიმდევარი არ იყო, რომელსაც ქვეყნის ხელისუფლება ატარებდა, ვცდილობდი, რომ უფრო ხმამაღლა, მეტი ტრიბუნიდან საქართველოს უსაფრთხოების ინტერესები გამეჟღერებინა,“- განაცხადა თინა ხიდაშელმა.