საქართველოს პირველი ლედი მაკა ჩიჩუა გაეროს ბავშვთა ფონდის - unicef-ის 70 წლის იუბილესადმი მიძღვნილ ღონისძიებას დაესწრო, რომელიც დღეს თბილისის ისტორიის მუზეუმში - ქარვასლა გაიმართა.
გაეროს ბავშვთა ფონდის წარმომადგენელმა საქართველოში, ლაილა ომარ გადიმ მოწვეულ სტუმრებს მისასალმებელი სიტყვით მიმართა. ლაილა ომარ გადიმ პირველ ლედის მონაწილეობისათვის მადლობა გადაუხადა და ორგანიზაციის საქმიანობის მნიშვნელობაზე ისაუბრა.
საიუბილეო საღამოში ლიტერატურულ კამპანიაში „პატარა ისტორიები“ ჩართულმა მწერლებმა და ბავშვთა პარაორკესტრმა მიიღეს მონაწილეობა. მაკა ჩიჩუამ ღონისძიების ფარგლებში შეზღუდული შესაძლებლობების მქონე ბავშვების ხელნაკეთი ნამუშევრების გამოფენა დაათვალიერა და ბავშვებთან სამახსოვრო ფოტოები გადაიღო.
