უკრაინამ უნდა შეასრულოს დაპირებული პოლიტიკური და ეკონომიკური რეფორმები, წინააღმდეგ შემთხვევაში, ევროკავშირმა შესაძლოა, რუსეთის წინააღმდეგ დაწესებული სანქციები გააუქმოს. ამის შესახებ აშშ-ის ვიცეპრეზიდენტმა ჯოზეფ ბაიდენმა ნიუ-იორკში საგარეო ურთიერთობების საბჭოში სიტყვით გამოსვლისას განაცხადა.
"ჩვენ ვიცით, რომ თუკი ისინი ევროკავშირს საბაბს მისცემენ, არსებობს სულ მცირე ხუთი ქვეყანა, რომელიც მზად არის, ახლავე თქვას: "ჩვენ აღარ გვსურს მოსკოვის წინააღმდეგ სანქციებში მონაწილეობა", - განაცხადა ბაიდენმა.
ბაიდენის თქმით, უკრაინის კრიზისის დაწყებისთანავე, ის ყოველ კვირას ორი-სამი საათის განმავლობაში ესაუბრებოდა ტელეფონით უკრაინის ხელმძღვანელობას და მას რეფორმების გატარებისკენ მოუწოდებდა, ასევე სთხოვდა გერმანიას, საფრანგეთს და იტალიას, შეენარჩუნებინათ სანქციები.
"ევროპაში ჭარბობს შემდეგნაირი განწყობა: "პრეზიდენტის შეცვლამდე უკრაინა რუსეთს ეკუთვნოდა. მათ საკუთარი მარიონეტი ჰყავდათ. რატომ გვაიძულებთ ჩვენ სანქციებში მონაწილეობას?" - განაცხადა ბაიდენმა.
ამ განცხადებამდე ერთი დით ადრე აშშ-ის ვიცეპრეზიდენტი პეტრო პოროშენკოს შეხვდა და განაცხადა, რომ აშშ მზად არის, უკრაინას რეფორმებისთვის ერთი მილიარდი დოლარის ოდენობის კრედიტი გამოუყოს
