სოციალურ ქსელ ფეისბუკის დამაარსებელი მარკ ცუკერბერგი და მისი მეუღლე პრისცილა ჩანი მომავალი 10 წლის განმავლობაში სხვადასხვა დაავადებებთან ბრძოლის დასაფინანსებლად 3 მილიარდ დოლარს გაიღებენ. ისინი იმედოვნებენ, რომ სოლიდური თანხა მეცნიერებს საუკუნის ინფექციებისა და დაავადებების დამარცხებაში დაეხმარება. წყვილმა საქველმოქმედო ფონდი Chan Zuckerberg Initiative გასული წლის დეკემბერში დააარსა, მას შემდეგ, რაც მათ ქალიშვილი შეეძინათ. ცუკერბერგებმა პირობა დადეს, რომ საკუთარი კომპანიების აქციების 99 პროცენტს ქველმოქმედებაში ჩადებდნენ.
