უკვე მეორე დღეა, ჩრდილოეთ კაროლინაში მასობრივი არეულობები არ წყდება. ქალაქ შარლოტის მცხოვრებლები ახალგაზრდა აფროამერიკელის მკვლელობას აპროტესტებენ. პოლიციამ მანიფესტანტთა წინააღმდეგ ცრემლსადენი გაზი გამოიყენა. ვრცელდება ინფორმაცია ერთი დემონსტრანტის დაღუპვის შესახებაც. მასობრივი არეულობები შარლოტში მას შემდეგ დაიწყო, რაც გაირკვა, რომ 43 წლის კიტ ლამონტ სკოტი პოლიციელის ტყვიამ იმსხვერპლა. როგორც პოლიცია განმარტავს, დაკავებისას სკოტი სამართალდამცავებს არ დაემორჩილა. ის ცეცხლსასროლი იარაღით იყო შეიარაღებული.
