თურქეთის პრეზიდენტი გაეროს რეფორმირების ინიციატივით გამოდის. რეჯეფ თაიფ ერდოგანის თქმით, გაეროს უშიშროების საბჭოს მუდმივ წევრთა რაოდენობა უნდა გაიზარდოს. „პირველ რიგში, უშიშროების საბჭოში გადაწყვეტილებების მიღების სისტემა უნდა შეიცვალოს. ისეთ მნიშვნელოვან საკითხებს, როგორიცაა უსაფრთხოება, მხოლოდ საბჭოს 5 წევრი არ უნდა წყვეტდეს,“-აღნიშნა თურქეთის ლიდერმა გაეროს გენერალურ ასამბლეაზე სიტყვით გამოსვლისას.
