ვაშინგტონი სირიაში ჰუმანიტარული კოლონის დაბომბვაზე პასუხისმგებლობას რუსეთს აკისრებს. თეთრი სახლის განცხადებით, დაბომბვის მომენტში ალეპოს საჰაერო სივრცეში რუსული სუ-24 იმყოფებოდა, რაც ამერიკულმა დაზვერვამ უკვე დაადასტურა. ბრალდებას კატეგორიულად უარყოფს რუსული მხარე. ოფიციალური მოსკოვი აცხადებს, რომ კოლონა არც რუსულ და არც სირიულ ავიაციას არ დაუბომბავს. საჰაერო დარტყმები ალეპოსკენ მიმავალ ჰუმანიტარულ კოლონაზე 2 დღის წინ განხორციელდა, რასაც 12 ადამიანი ემსხვერპლა.
