ვაშინგტონი სირიის საკითხზე თანამშრომლობის შესახებ მოსკოვთან მიღწეულ შეთანხმებას გადახედავს. ამის შესახებ სახელმწიფო დეპარტამენტის პრეს-სპიკერმა ჯონ ქირბიმ განაცხადა. მისივე თქმით, რუსეთის მიერ მხარდაჭერილი სირიის მმართველი რეჟიმი ცეცხლის შეწყვეტის პირობას არღვევს და საომარი მოქმედებებით დაზარალებულ რაიონში ჰუმანიტარული ტვირთის შეტანას უშლის ხელს, რაც დაუშვებელია. გვიან ღამით ალეპოსკენ მიმავალ ჰუმანიტარულ კოლონაზე ავიადარტყმა განხორციელდა, რასაც 12 ადამიანი ემსხვერპლა. სირიის ადამიანის უფლებათა დაცვის ცენტრის ინფორმაციით, ავიადარტყმები სირიის ან რუსეთის ავიაციამ განახორციელა.
