თურქეთის პრეზიდენტი გაეროს ტრიბუნიდან არშემდგარ სამხედრო გადატრიალებაზე ისაუბრებს. ამის შესახებ რეჯეფ თაიფ ერდოგანმა ნიუ იორკში გამგზავრებამდე განაცხადა.
„გენერალური ასამბლეა კიდევ ერთი შესაძლებლობაა იმისა, რომ საერთაშორისო საზოგადოებას 15 ივლისის სამხედრო გადატრიალების მცდელობაზე მივაწოდო ინფორმაცია და გიულენის ტერორისტულ საქმიანობაზე ვისაუბრო,“-აღნიშნა თურქეთის ლიდერმა.
სამხედრო გადატრიალების მცდელობაში ანკარა აშშ-ში მცხოვრებ სასულიერო პირს, ფეტულა გიულენს ადანაშაულებს და მის ექსტრადიციას ითხოვს.
