ჩვენ ვართ ძალა, რომელმაც ზუსტად იცის რა, როგორ და ვისთან ერთად გააკეთოს,- განაცხადა ვიცე-პრემიერმა კახა კალაძემ ამბროლაურში მაჟორიტარი კანდიდატის გოჩა ენუქიძის წარდგენისას.
„ჩვენ ახალი შესაძლებლობები გავაჩინეთ, ძლიერი გუნდი შემოვიკრიბეთ, ხარვეზებიც გავაანალიზეთ და მომავლის ქმედითი, მკაფიო გეგმა შევიმუშავეთ. ამ გეგმას თქვენი მხარადაჭერით, თქვენი მონაწლეობით და თქვენსავე სასიკეთოდ, აუცილებლად განვახორციელებთ. ჩვენ აღარ გვაქვს შეცდომის უფლება. ჩვენი მართვის გამოცდილება რეალური შედეგებითაა განმტკიცებული. ჩვენ ხალხის საკეთილდღეოდ მუშაობა შეგვიძლია. ჩვენ ვართ უალტერნატივო ქმედითი პოლიტიკური ძალა - ჩვენ ვართ მმართველი ძალა. არც ერთ ოპოზიციურ ძალას არ აქვს ქვეყნის განვითარების რეალური რესურსი და შესაძლებლობა. ჩვენ ვართ ძალა, რომელმაც ზუსტად იცის რა, როგორ და ვისთან ერთად გააკეთოს. ჩვენ გვყავს პროფესიონალთა განახლებული გუნდი, ძლიერი, საქმესა და შედეგზე ორიენტირებული ლიდერი, სწორედ ეს არის ჩვენი სწრაფი განვითარების მყარი გარანტი. ჩვენი გზა - სწორი, სვლა - სწრაფი და დინამიკური, მიზანი კი - ევროპული კეთილდღეობის საქართველოა და ამ გზას ჩვენ ერთად გავივლით. ერთად დავძლევთ სიძნელეებს, ერთად მივალთ გამარჯვებამდე“, - განაცხადა კალაძემ.
