აშშ-ის სახელმწიფო მდივანი ჯონ ქერი აგვისტოს ომის მე-8 წლისთავს ეხმაურება და კიდევ ერთხელ აცხადებს, რომ აშშ საქართველოს სუვერენიტეტისა და ტერიტორიული მთლიანობის მხარდაჭერას აგრძელებს. ჯონ კერის განცახდებას საქართველოში აშშ-ის საელჩო ავრცელებს.
„ამერიკის შეერთებული შტატები მტკიცედ აგრძელებს საქართველოს სუვერენიტეტისა და ტერიტორიული მთლიანობის მხარდაჭერას. მიუღებელია რუსეთის მიერ საქართველოს ტერიტორიის ნაწილების ოკუპაცია და მილიტარიზაცია. ჩვენ კვლავაც მოვუწოდებთ რუსეთს შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები, მათ შორის, რუსეთის შეიარაღებული ძალების დაბრუნება კონფლიქტის დაწყებამდე არსებულ პოზიციებზე და ჰუმანიტარული დახმარების დაუბრკოლებლად განხორციელების შესაძლებლობის უზრუნველყოფა." - სახელმწიფო მდივანი ჯონ კერი
