8 აგვისტოს ომიდან 8 წლის შემდეგ ომში დაღუპული გმირები დღეს კიდევ ერთხელ გაიხსენეს.
რუსეთ-საქართველოს ომში დაღუპულ გმირთა ხეივანი ყვავილებით აჭარის მთავრობის თავმჯდომარემ ზურაბ პატარაძემ, აჭარის მინისტრთა კაბინეტის წევრებმა, აჭარის უმაღლესი საბჭოს თავმჯდომარემ ავთანდილ ბერიძემ, ქალაქის მერმა გიორგი ერმაკოვმა, ბათუმის საკრებულოს თავმჯდომარემ ირაკლი ჭეიშვილმა, უმაღლესი საბჭოს დეპუტატებმა და საზოგადოების სხვა წევრებმა შეამკეს.
ომში დაღუპლ გმირთა ხეივანში ასევე საქართველოს შეიარაღებული ძალებისა და ადლიის 3-ე ქვეთი ბრიგადის 31-ე ბატალიონის სამხედრო მოსამსახურეები იმყოფებოდნენ.
"8 წელი გავიდა ჩვენი ქვეყნის უახლესი ისტორიის ერთ-ერთი უმძიმესი დღეებიდან. ჩვენმა გმირებმა ამ დღეს საოცარი თავდადების მაგალითი აჩვენეს ყველას. საკუთარი სიცოცხლის ფასად არათანაბარ ომში ჩვენმა ჯარისკაცებმა ძალიან ბევრი ადამიანი დაიცვეს.
ქედს ვიხრი 2008 წლის აგვისტოს ომში დაღუპული თითოეული ჯარისკაცის, მათი ოჯახების და იმ მშვიდობიანი მოსახლეობის წინაშე,რომელიც ამ ომს შეეწირა" - განაცხადა რამაზ ბოლქვაძემ.
