უახლოესი რამდენიმე კვირის ან თვის განმავლობაში რუსეთში მასშტაბური კრიზისი მოხდება, -ამის შესახებ „კომერსანტის“ დამფუძნებელი და პირველი მთავარი რედაქტორი ვლადიმერ იაკოვლევი წერს.
იაკოვლევი, რომელიც თავშეკავებულობით გამოირჩევა, საკმაოდ ემოციურ პროგნოზს აქვეყნებს.
„სიმართლე რომ ვთქვა, არ მაქვს მაღალი წარმოდგენა ჩემს გონებრივ შესაძლებლობებზე. ვინც მიცნობს შეუძლიათ დაადასტურონ, რომ უამრავი ნაკლი მაქვს, მაგრამ ინტუიციას, ჩემთვის, არასოდეს უღალატია. დარწმუნებული ვარ, ყველაზე უახლოეს პერიოდში, რამდენიმე კვირაში, ან თვეში რუსეთში, მოხდება ორი სცენარიდან ერთი - ან ხელისუფლების ცვლა განუჭვრეტელი და საშიში შედეგებით, ან - მძიმე სოციალური კრიზისი ქუჩის დანაშაულებებით, ყველაზე აუცილებელის დეფიციტით და მოქალაქეების სიცოცხლისა და ჯანმრთელობისთვის რეალური საფრთხეებით“, - აცხადებს იაკოვლევი და მოუწოდებს რუსეთის მოსახლეობას - „თუ გაქვთ შესაძლებლობა, გაემგზავრეთ და მთავარი - გაიყვანეთ ბავშვები“.
იაკოვლევი აზუსტებს, რომ ეს მოწოდება არ ნიშნავს სამუდამოდ გამგზავრებას, არამედ ქვეყნის დატოვებას 3-დან 6 თვემდე.
„თუ ამ ხნის განმავლობაში არაფერი მოხდება და სიტუაცია დალაგდება, მოხარული ვიქნები რომ შევცდი. მესმის, რომ ისინი ვინც დღეს 25-30 წლისანი არიან, ვერ გრძნობენ ამ სცენარს. არც მე ვგრძნობდი ამას მათ ასაკში. ვიდრე ერთხელ არ დავბრუნდი შვებულებიდან და „დინამოზე“ ვარჯიშის შემდეგ მანქანაში მყოფმა ბელორუსის ვაგზალთან არ შევნიშნე, რომ ჩემთან ერთად შუქნიშანზე დგანან ტანკები და სხვა ტექნიკა“, - წერს იაკოვლევი.
იაკოვლევი წერს, რომ ეს იყო 1991 წლის 18 აგვისტო. მისი თქმით, გადატრიალებები ყოველთვის უეცრად ხდება.
„არ შეიძლება ხელისუფლის გარეგანი დარწმუნება, რომ ყველაფერი რიგზეა სტაბილურობის ნიშნად აღიქვა. არსებობს სოციალური კატაკლიზმების ორი კლასიკური ნიშანი: 1. საერთო, მოსახლეობის ძლიერი უკმაყოფილება და აბსოლუტურად არ აქვს მნიშვნელობა რითი (თუნდაც სხვადასხვა მიზეზებით, მაგრამ საერთო უკმაყოფილება); 2. საზოგადოების დაყოფა, რომელიც წარმოადგენს სხვადასხვა პოლიტიკური აზრის დიდ პალიტრას, მაგრამ გაყოფილია ორ ნაწილად, უართიერთსაპირისპოროდ და მოკლებულია რაიმე სახის პოზიციას, მაგრამ ატარებს დიდ ემოციურ მუხტს, მიმართულს ურთიერთსაპირისპიროდ. ამჟამად, რუსეთში ორივე ნიშანი სახეზეა და თემის აზრის კატასტროფა გარდაუვალია“, - წერს იაკოვლევი.
მისივე თქმით ახლა მნიშვნელობა არ აქვს, ვინ არის მართალი და ვინ - მტყუანი. ახლა, მთავარია, ადამიანების გადარჩენა.
„რადგანაც, ძალიან მალე, ძალიან ცუდი, ძალიან საშიში და ძალიან საფრთხილო იქნება აბსოლუტურად ყველასთვის“, - აცხადებს იაკოვლევი.
იაკოვლევი აცხადებს, რომ აუცილებელია საზოგადოების გადარჩენის კომიტეტის შექმნა.
ვლადიმერ იაკოვლევი 1999 წლამდე იყო კომერსანტის ერთადერთი დამფუძნებელი და გამომცემელი. იგი ბოლო წლების განმავლობაში ცხოვრობს ისრაელში.
