საქართველოს პრემიერმა, გიორგი კვირიკაშვილმა სამცხე-ჯავახეთში პარტიის მაჟორიტარი დეპუტატობის კანდიდატები დაასახელა. ახალციხესა და ადიგენში ქართული ოცნების წარმომადგენელი ახალციხის მერი გიორგი კოპაძე იქნება. ახალქალაქსა და ნინოწმინდაში მაჟორიტარობისთვის ენზელ მკოიანი იბრძოლებს. ბორჯომსა და ასპინძაში კი კენჭს გედევან ფოფხაძე იყრის. ახალციხეში, თამარ მეფის ქუჩაზე შეკრებილ საზოგადოებას გიორგი კვირიკაშვილმა სიტყვით მიმართა. მან აქცენტი სოფლის მეურნეობის განვითარებისა და წარმოების აღორძინების კუთხით განხორციელებულ და მიმდინარე პროექტებზე გააკეთა.
“სამცხე-ჯავახეთში დღეისთვის გადაიარაღდა და გაფართოვდა 52 საწარმო, ამოქმედდა 7 ახალი საწარმო. 2012 წელს ბატონი ბიძინა ივანიშვილის თაოსნობით გავიმარჯვეთ და წელსაც ამ არჩევნებში აუცილებლად გავიმარჯვებთ, რადგან რეალური ნაბიჯებით მივდივართ წინ სწრაფი განვითარებისთვის,“ - განცხადა კვირიკაშვილმა.
