მუხათგვერდის ძმათა სასაფლაოზე აგვისტოს ომში დაღუპულების პატივსაცემად, ყაყაჩოების აქცია გაიმართა. სასაფლაოზე გმირებისთვის პატივის მისაგებად პოლიტიკოსებთან ერთად, რიგითი მოქალაქეებიც ადიან.
რუსეთ-საქართველოს ომის დაწყებიდან 8 წელი გავიდა. რუსული ინტერვენციის შედეგად დაიღუპა საქართველოს 228 მშვიდობიანი მოქალაქე, 169 სამხედრო და 14 პოლიციელი. სახლები დატოვა 150 ათასამდე ადამიანმა, მათგან თითქმის 30 ათასი, დღემდე დევნილობაში რჩება.
8 წლის წინ ცხინვალის რეგიონში ვითარება განსაკუთრებით აგვისტოს დასაწყისში დაიძაბა, რომელიც 7 აგვისტოს გამწვავდა, რასაც უკვე რამდენიმე დღიანი შეიარაღებული კონფლიქტი მოჰყვა.