გერმანიის აკადემიური გაცვლის სამსახურის (DAAD) ორგანიზებით საზაფხულო სკოლა: „რეგიონული თანამშრომლობა შიდა-მუნიციპალური თანამშრომლობის გზით: ევროპული გამოცდილება და კავკასიური პერსპექტივა“ - გაიხსნა. ღონისძიება საქართველოს რეგიონული განვითარებისა და ინფრასტრუქტურის მინისტრის მოადგილემ თენგიზ შერგელაშვილმა, საქართველოს განათლებისა და მეცნიერების მინისტრის მოადგილე გიორგი შარვაშიძესთან, და მიუნხენის ტექნიკური უნივერსიტეტის პროფესორ - გიორგი ხუბუასთან ერთად გახსნა.
10 დღიანი საზაფხულო სკოლა გერმანიის ტექსნიკური უნივერსიტეტის მიერ არის ორგანიზებული. სკოლის მუშაობის ფარგლებში განხილული იქნება აზერბაიჯანის, სომხეთისა და საქართველოს შორის შიდა-მუნიციპალურ დონეზე თანამშრომლობის პრობლემები, ადგილობრივ ხელისუფლებებს შორის ტრანსსასაზღვრო თანამშრომლობის განვითარების და მეცნიერების ხელშეწყობის გზით, შიდა მუნიციპალური თანამშრომლობის გაძლიერების საკითხები. ასევე, იმსჯელებენ ინფრასტრუქტურული პროქტებზე, სამი ქვეყნის კომპანიების ერთობლივ აქტივობებზე, ენერგომომარაგებისა და შიდა-რეგიონული ტურიზმის ხელშეწყობის საკითხებზე.
