აჭარის სოფლის მეურნეობის სამინისტრომ შუახევის რაიონში შესრულებული მიზნობრივი პროგრამების მონიტორინგს აგრძელებს.
მთელი წლის განმავლობაში სხვადასხვა გადამდები დაავადებების პროფილაქტიკის მიზნით ცხოველთა აცრები მიმდინარეობდა. მსხვილფეხა და წვრილფეხა პირუტყვს თურქულისა და ჯილეხის თავიდან აცილებისთვის ეტაპობრივად ჩაუტარდა.
აცრების პროგრამის პარალელურად, რაიონის მოსახლეობას გაუმჯობესებული მოსავლის მისაღებად სპეციალურად დამუშავებული სხვადასხვა კულტურის თესლი დაურიგდა.
როგორც მონიტორინგმა აჩვენა, პროგრამებმა აჭარის მაღალმთიანეთში გაამართლა. სამინისტროს მესვეურები პროგრამების გაგრძელებას მომავალშიც აპირებენ. შესაბამისი ხარჯები მომავალი წლის ბიუჯეტშიც გაიწერება.
