"ერთიანი ნაციონალური მოძრაობის" საერთაშორისო ურთიერთობათა მდივანი გიგა ბოკერია პენსიების 20 ლარით ზრდას გამოეხმაურა და აღნიშნა, რომ ეს არის ივანიშვილის რეჟიმის სახე.
"ჯერ იძახდნენ, რომ ეს პოპულიზმია და შეუძლებელია პენსიის გაზრდა. მთავრობის სხდომის დაწყებამდე 5 წუთით ადრე დავით სერგეენკო ისევ ამას იმეორებდა, ხოლო მთავრობის სხდომაზე პრემიერმა განაცხადა, რომ პენსიები გაიზრდება. მათ 20 ლარი გადაუგდეს პენსიონრებს. ჩვენ გავაგრძელებთ კამპანიას, რადგან ზუსტი გაანგარიშება გვაქვს ბიუროკრატიისა და ფუფუნების შემცირებით 50 ლარით ზრდა შესაძლებელია. თუ ამას არ გააკეთებენ, ამას ახალი მთავრობა გააკეთებს მას შემდეგ, რაც ბიძინა ივანიშვილის მთავრობას გადავირჩევთ."
