,,ერთიანი ნაციონალური მოძრაობის“ საგარეო ურთიერთობათა მდივანი გიგა ბოკერია ევროკომისარ იოჰანეს ჰანტან შეხვედრის შემდეგ აცხადებს, რომ საქართველოსთვის გარდამტეხი იქნება მთელი საარჩევნო პერიოდი. მისი თქმით, მთავარი ამოცანაა, ხელისუფლებას სახიფათო ნაბიჯების გადადგმის საშუალება არ მიეცეს.
,,მთელი ეს საარჩევნო პერიოდი და არჩევნები საქართველოსთვის იქნება გარდამტეხი ქვეყნის შიგნითაც და ქვეყნის გარეთაც - ჩვენი ისტორიული ამოცანის შესრულების თვალსაზრისით. ამიტომ, ჩვენი საერთო ამოცანაა, რომ ივანიშვილის მთავრობას არ გადავადგმევინოთ ისეთი ნაბიჯები, რომელიც საქართველოს მომავალს ქვეყნის შიგნით და ქვეყნის გარეთ საფრთხის წინაშე დააყენებს», - განაცხადა ბოკერიამ.
