,,ნაციონალური მოძრაობის” წევრი აკაკი ბობოხიძე დაინტერესდა, ხომ არ გაურკვევია საპარლამენტო უმრავლესობას რა დავალებები აქვს შესრულებული მთავარი პროკურორობის კანდიდატს ,,სისხლიანი 9 წლის პერიოდში.
პარლამენტში ირაკლი შოთაძის კანდიდატურის განხილვისას ბობოხიძემ ასევე განაცხადა, რომ ერთ-ერთი სტიგმა, რომელიც დღევანდელმა ხელისუფლებამ ოპოზიციაში ყოფნისას დაამკვიდრა, იყო ის, რომ "ნაციონალური მოძრაობის" დროს ყველა თანამდებობის პირი იყო ,,კაციჭამია და სისხლის მსმელი“.
"ხომ არ გაგირკვევიათ, როგორ მოხვდა თავის დროზე ირაკლი შოთაძე სამსახურში? მე ნამდვილად ვიცი, რომ ის მუშაობას თავისი კვალიფიკაციის შესაბამისად დაიწყებდა, მაგრამ მაშინდელი ოპოზიციის მიერ დასახელებული ნიშნებიდან, რომ აუცილებლად "ნაციონალური მოძრაობის" წევრი ან საშინელი ტიპი უნდა ყოფილიყო, აქედან მაინც რომელს აკმაყოფილებდა?! ასევე ხომ არ გაგირკვევიათ, თავის დროზე ბატონ შოთაძეს მიუღია თუ არა რაიმე უკანონო დავალება მაშინდელი ხელმძღვანელების მხრიდან, რადგან ჩვენი ხელისუფლების დროს რიგითი გამომძიებელი და რიგითი თანამშრომელი არ იყო და იყო ერთ-ერთი საკვანძო თანამდებობის პირი. შეუსრულებია თუ არა მას რაიმე უკანონო დავალება იმ სისხლიან 9-წლიან პერიოდში?!", - აღნიშნული კითხვით ბობოხიძემ მთავრობის საპარლამენტო მდივანს შალვა თადუმაძეს მიმართა, რომელმაც პარლამენტს შოთაძის კანდიდატურა წარუდგინა.
