მთავარი პროკურორობის კანდიდატი ირაკლი შოთაძე აცხადებს, რომ ოთარ ფარცხალაძე მისი მეგობარია.
„ნაციონალური მოძრაობის“ ფრაქციის სხდომაზე, შოთაძეს გოკა გაბაშვილმა კითხვით მიმართა - იყო თუ არა კარგი, რომ საქართველოს პროკურატურას ქურდობის ბრალდებით გასამართლებული ადამიანი ხელმძღვანეობდა.
„არასოდეს დამიმალავს, რომ ფარცხალაძე ჩემი მეგობარია. ის ღირსეული ადამიანია. ეს ადამიანი საჯარო სამსახურში აღარ არის, მაგრამ მისი მისამართით მსგავსი განცხადებები კვლავ გაისმის. მას სახელმწიფო უწყებებთან არანაირი შეხება არ აქვს. ჩემს მეგობარზე გული შემტკივა და სამწუხაროა, რომ ეს ამ ფორმატში განსახილველი საკითხია. მან დამნიშნა პირველ მოადგილედ, როცა ის მთავარ პროკურორად დაინიშნა“, - განაცხადა შოთაძემ.
