ჩიკაგოს უნივერსიტეტის მეცნიერებმა გამოარკვიეს, რომ მარტოხელა ადამიანების ტვინი განსხვავებულად მუშაობს, ვიდრე იმ ადამიანის, ვისაც მეწყვილე ჰყავს. მეცნიერების ძირითად მიზანს წარმოადგენდა გამოერკვიათ, რა გავლენას ახდენს ადამიანზე მარტოობა.
კვლევაში მონაწილეობდა 70 მოხალისე. მონაწილეებმა გაიარეს სპეციალური ფსიქოლოგიური ტესტები, რომლის მიმდინარეობისას, მეცნიერები იღებდნენ ტვინის აქტივობის სურათს.
მეცნიერებმა გამოარკვიეს, რომ მარტოხელა ადამიანების ტვინი მოგონებებზე განსაკუთრებით კი ცუდზე რეაგირებს ძალიან განსხვავებულად. მარტოხელა ადამიანები თითქოს თავიდან განიცდიან საკუთარი ცხოვრების ცუდ მომენტებს. სწორედ ამიტომაც ასეთი ადამიანები მეტად იკეტებიან საკუთარ თავში.
სპეციალისტების მტკიცებით, მარტოხელობა აიძულებს ადამიანებს იყვნენ უფრო ფრთხილები, ასევე გააქტიურონ ტვინის მექნიზმი - ”შენარჩუნება ჩემში“.
