მეცნიერთა საერთაშორისო ჯგუფი ამტკიცებს, რომ 15 წლის შემდეგ დედამიწაზე შეიძლება მცირეყინულოვანი პერიოდი განმეორდეს, როგორც ეს მოხდა 1645 - 1715 წლებს შორის. მაშინ, ევროპასა და ჩრდილოეთ ამერიკაში, ძალიან ძლიერი ზამთარი იყო, იყინებოდა წყალი დუნაიზე და ტემზაზე. მდინარე მოსკოვი ყოველ 6 თვეში ყინულით იფარებოდა, ზოგიერთ დაბლობზე მთელი წლის განმავლობაში თოვლი იდო.
მეცნიერთა ანგარიში წარმოდგენილ იყო სამეფო ასტრონომიული საზოგადოების კონფერენციაზე ქალაქ ლანდიდოში (უელსი) ამჟამად , ის ჟურნალში Nature-ში გამოსაცემად მზადდება.
განცხადებამ მთელ მსოფლიოში ძლიერი რეაქცია გამოიწვია, რაც არ არის გასაკვირი. მეცნიერები წავიდნენ დინების საწინააღმდეგოდ, მსოფლიო საზოგადოების აზრის წინააღმდეგ. მაგალითისთვის, აშშ-ს პრეზიდენტმა ბარაქ ობამამ ცოტა ხნის წინ კაცობრიობის მთავარ პრობლემად გლობალური დათბობა დაასახელა.
მიმდინარეობს აქტიური მზადება კლიმატისადმი მიძღვნილი მსოფლიო კონფერენციის ჩასატარებლად, რომელიც პარიზში წლის ბოლოს გაიმართება.
მტკიცება იმისა,რომ მიმდინარე დათბობა შესაძლებელია იყოს კიდევ ერთი, რიგითი ბუნებრივი ციკლი უკვე აღარ ისმის. მეცნიერულად დამტკიცებულია, რომ ისტორიაში იყო რამოდენიმე პერიოდი როგორც გლობალური დათბობის, ასევე გლობალური აცივების.
გარდა ამისა, დამტკიცებულია, რომ მზის აქტივობას და მასზე ლაქებს აქვს ციკლური ხასიათი. ყველაზე ცნობილია მათ შორის: 11-წლიანი, 90 -წლიანი და 300-400 წლიანი ციკლი. ამასთან ბევრი მეცნიერი ვერ ხედავს პირდაპირ კავშირს მზეზე ლაქების რაოდენობასა და კლიმატს შორის . XVII-XVIII საუკუნის საზღვრის ფენომენი ითვლება უბრალო დამთხვევად. ამის დამამტკიცებელი სხვა ფაქტები უცნობია: ისტორიული თვალსაზრისით, ის ძალიან მცირეა.
ბევრი მეცნიერის სკეპტიკური განწყობა, კლიმატის პროგნოზე მზეზე გაჩენილი ლაქების რაოდენობის თვალსაზრისით, გასაგებია. პირველ რიგში იმიტომ, რომ ამ დრომდე გაურკვეველია მათი წარმოქმნის მექანიზმი. ამიტომაც არ არის არავითარი გარანტია, რომ კლიმატის წინასწარმეტყველება ლაქების მიხედვით სწორი აღმოჩნდება. როგორც ერთმა კლიმატოლოგმა შეამჩნია, მსგავსი პროგნოზები მოგვაგონებს შამანიზმს და მკითხაობას, რადგან ეფუძნება მხოლოდ ემპირულ მონაცემებს.
მაგრამ, ბუნება ქრონომეტრაჟით როდი მუშაობს და ხშირად აწყობს სურპრიზებს. რაც სხვათა შორის მოხდა რიგით 24-ე მზის ციკლთან, რომელშიც ჩვენ ვცხოვრობთ. ყველა სტატისტიკური მონაცემებით, ის უნდა იყოს აქტიური, მზეზე არსებული ლაქების დიდი რაოდენობის მიხედვით. რასაც წინასწარმეტყველებდა ასტროფიზიკოსთა უმრავლესობა. თუმცა ეს პროგნოზი არ გამართლდა . მზე უჩვეულოდ პასიური გახდა.
მეცნიერებმა აღმოაჩინეს მზის აქტივობის კრიტერიუმი. ეს არ არის ლაქების რაოდენობა მასზე, არამედ მნათობის მაგნიტური ველის ცვლილება. ასევე შესაძლებელი გახდა აეხსნათ მექანიზმი, თუ რატომ და როგორ ეცვლება მნათობს აქტივობა. რატომ წარმოიქმნება ისეთი ფენომენი, როგორც მაუნდერის მინიმუმია. შედეგად, აიხსნა მზის საქციელი როგორც შორეულ წარსულში ასევე მომავალში.
შექმნილმა მოდელმა ზუსტად შეძლო გაეკეთებინა პროგნოზი, რომ 24-ე ციკლში უნდა იყოს სწორედ აქტივობის შემცირება. გარდა ამისა მან გაიარა შემოწმება ისტორიული მონაცემებით, დაწყებული 1200 წლიდან. ხოლო შემდეგ მეცნიერებმა შეადგინეს მზის აქტივობის პროგნოზი 3200 წლამდე.
ამ ჰიპოთეზის ოპონენტები ამტკიცებენ, რომ ჯერჯერობით არ არის აბსოლუტურად დადასტურებული კავშირი მზის აქტივობასა და კლიმატს შორის. არის მხოლოდ რამოდენიმე კვლევა, რომელიც მიანიშნებს ასეთ შესაძლებლობას, ასევე რამოდენიმე ისტორიული მაგალითები. მაგალითად მაუნდერის მინიმუმი. მაგრამ, არ არის გამოკვეთილი მტკიცებულება იმისა, რომ გლობალურ დათბობაში დამნაშავეა ადამიანი. უკანასკნელი 400 ათასი წლის განმავლობაში იყო რამოდენიმე გლობალური დათბობა და გამყინვარების პერიოდი, როცა დედამიწაზე საერთოდ არ იყო ადამიანი. ის გაჩნდა დაახლოებით 60 ათასი წლის წინ, ხოლო ნახშირორჟანგის ინტენსიური გამოყოფა მხოლოდ 100 წლის წინ დაიწყო.
