საფრანგეთის პრეზიდენტი ემანუელ მაკრონი ნიკოლ ფაშინიანს საპარლამენტო არჩევნებში გამარჯვებას ულოცავს.
"ძვირფასო ნიკოლ ფაშინიან, გულითადად გილოცავთ საკანონმდებლო არჩევნებში ამ დამაჯერებელ გამარჯვებას. მოხარული ვარ, რომ თქვენთან ერთად გავაგრძელებ მუშაობას ჩვენი ხალხის სამსახურში ჩვენი თანამშრომლობის გასაძლიერებლად, მშვიდობისა და სომხეთის სუვერენიტეტის მხარდასაჭერად და ევროპასთან დაახლოების იმპულსის გასაძლიერებლად“, - წერს მაკრონი.
შეგახსენებთ, სომხეთის ცენტრალურმა საარჩევნო კომისიამ საპარლამენტო არჩევნებში 2 005-ვე საარჩევნო უბნის ხმების დათვლის წინასწარი შედეგები გამოაქვეყნა. პრემიერ-მინისტრ ნიკოლ ფაშინიანის პარტიამ - „სამოქალაქო კონტრაქტი“ - ხმების 49.81% მიიღო. მეორე ადგილზე სამველ კარაპეტიანის „ძლიერი სომხეთია“ 23.29%-ით, მესამეზე - ყოფილი პრეზიდენტის, რობერტ ქოჩარიანის „სომხეთის ალიანსი“, რომელმაც არჩევნებში ხმების 9.94% მიიღო. 4% მიიღო გაგიკ ცარუკიანის პარტიამ „აყვავებული სომხეთი“.
