4 ივლისს ამერიკის შეერთებული შტატები დამოუკიდებლობის დღეს აღნიშნავს. თბილისში, ამერიკის საელჩოში კი ეროვნულ დღესასწაულთან დაკავშირებით საზეიმო მიღება გუშინ გაიმართა. ღონისძიებას, რომელსაც ელჩი ნორლანდმა უმასპინძლა, მთავრობისა და პარლამენტის წევრები, ასევე, არასამთავრობო ორგანიზაციების წარმომადგენლები დაესწრნენ. რიჩარდ ნორლანდს, რომელსაც დიპლომატიური მისიის ვადა ეწურება, ტრადიციის თანახმად, საჩუქრად ქართული ხმალი გადასცეს. სიმბოლური საჩუქრით ის საქართველოში წმინდა საყდრის ნუნციუსმა, მარეკ სოლჩინსკიმ დააჯილდოვა.