ოკუპირებული აფხაზეთში ქალაქ ბიჭვინთისა და სოფელ ლიძავას მოსახლეობა თავიანთ ხელისუფლებას მოთხოვნით მიმართავენ, უცხოურ თევზსაჭერ გემებს გაგრის რაიონის აკვატორიაში შესვლა და თევზაობა აუკრძალონ.
ლიძავას მკვიდრის, საიდ გოჭუას თქმით, იმის გამო, რომ კომპეტენტური ორგანოების მხრიდან სათანადო კონტროლი არ ხორციელდება, თევზჭერამ მათ აკვატორიაში სტიქიური და ბრაკონიერული ხასიათი მიიღო.
,,ჩემი და თქვენი ხელმძღვანელი ჩინოვნიკების უქნარობის გამო ეკოლოგიას სერიოზული ზიანი ადგება, ფლორა და ფაუნა ნადგურდება და იღუპება, თევზის რაოდენობა მნიშვნელოვნად იკლებს, ზღვაში ჩაღვრილი ნავთობპროდუქტები ნაპირებზე გადმოდის ” - განუცხადა აფხაზურ გამოცემებს გოჭუამ.
მან ჟურნალისტების მეშვეობოთ, ბიჭვინთისა და ლიძავას მოსახლეობის სახელით კომპეტენტურ ორგანოებს მიმართა, აფხაზეთის ნაპირებზე უცხოური თევზსაჭერი გემებისთვის თევზჭერის ნებართვის გაცემა შეწყვიტოს.
,,ჩვენი სანაპიროს სისუფთავე პირდაპირ აისახება ჩვენს შემოსავალზე. სწორედ იმაზე, რომლისგანაც ტურისტული სეზონის განმავლობაში სახელმწიფო ბიუჯეტში საკმაოდ დიდი თანხა შედის.” - აღნიშნა საიდ გოჭუამ.
მისი თქმით, გაგრის რაიონის აკვატორია სავსეა, როგორც რუსული, ისე თურქული თევზსაჭერი გემებით.
ოკუპირებული აფხაზეთის ეკოლოგიისა და ბუნების დაცვის კომიტეტის მონაცემებით, თევზჭერის სეზონზე აფხაზეთის აკვატორიაში დაახლოებით 110 ათასი ტონა ქაფშია (ხამსა) შედის, რომელთაგან ხოლოდ 40 %-ს დაჭერაა ნებდართული.
